POSTAL – “Guia Fortress and lighthouse (the oldest lighthouse on South China Coast)“(1)
Farol
Gréza,
Pinheral.
Luz
Fé,
Saúde.
Farol, tira-tira di luz;
Anôte, mar luminado,
Aliviado di iscuridám;
Lorcha sabe únde têm,
Passá safo
Nádi erá caminho.
Gréza, Casa di Dios,
Ninho di fé crsitám;
Nos´Shióra têm na altar,
Su ôlo lumiá alma,
Su mám isvaziá bénça,
Protezê dizamparado.
A Capela, o Farol da Guia e a Colina (2)
Na básso, pinheral,
Jardim di saúde vendido saguáti,
Árvre di pinhéro quânto-mil,
Laia-laia árvre unga porçam.
Sopro di vento puro,
Voz dóci di pastro alegrá coraçam.
Na riva di montánha,
Lugar qui tudo pôde olá,
Têm unga pau arto levantado;
Ali, unga bandéra elegánti ta bulí-bulí;
Sã, atê estunga ora,
Bandéra di nôsso Portugal.
José dos Santos Ferreira
FERREIRA, José dos Santos – Poema na Língu Maquista, 1992.
Este ” poéma” tem uma versão portuguesa, no mesmo livro.
(1) Edição do “Dept. of Tourism (D.S.T.) MACAU-1986“. Impresso na Gráfica de Macau Lta.”
(2) Foto de um panfleto turístico da década de 80 da D. S. T.
nenotavaiconta 